2018下半年【精叻推介信用卡最佳組合攻略】

今時今日要賺得精明唔懶得，袋多幾張信用卡靈活運用碌先得！ 呢個post紀錄左我 精叻豬+叻叻豬(合體) 平時用咩信用卡玩P2P同袋邊幾張信用卡嚟食飯、shopping、去旅行、搭車、繳費、自動轉賬...

Post入面仲有個總結表列出回贈倍數、回贈比率、幾多錢/AM、幾多錢/Avios、簽賬上限、積分有效期、兌換里數手續費 等等。無論你係喜歡賺現金回贈、賺里數都啱睇！簡單d想知安信 EARNMORE  / 中信信用卡 2%現金回贈係唔係真係抵，一睇個表比較一下就知喇！

2018年已過一大半，P2P電子錢包 百花齊放 雖仍可繼續玩。但係，唉 ! 自從「電子錢包」事件上左A1之後，每月WeChat Pay HK轉賬、O! ePay轉賬去PayPal 及 由八達通嘟入O! ePay 設上限 ! 由每月賺過千，變到依家每月賺得兩舊，好可憐 !  

18年9月17日金管局推出快速支付系統 Faster Payment System，名為「轉數快」。大家可以通過參與銀行及儲值支付工具營運商嘅mobile app係「轉數快」登記手機號碼/電郵地址作爲《收款帳戶代碼》。9月30日起「轉數快」正式使用，大家可即時進行港元/人民幣支付或轉賬。 FPS 可以幫到大家全天候24小時、跨平台/銀行由以往需要數日轉賬，縮短至數秒內完成。

精叻豬最希望係FPS唔會影響到P2P賺積分、里數。

電子錢包P2P今日有得賺，唔代表明天有得賺，活在當下依家賺到幾多得幾多啦！精叻豬就用呢幾張信用卡嚟玩P2P (那! 暫時都有積分/里數賺)，銀行隨時會改條款，有得賺係Bonus !

《勁玩4大P2P電子錢包》

PayMe 增值 每月$5,000
~ 建行 eye Visa卡 5X積分 ($3/AM or 2%回贈) (網上額外4X全年上限計$75,000) <18年第四季開始生效:電子錢包增值/轉賬沒有額外4X積分>
或
~ 渣打 Simply Cash Visa卡1.5%現金回贈
每月玩PayMe零成本就可以賺到 (用eye卡) 1,666AM / $100  或 (用Simply Cash卡) $75

WeChat Pay 轉賬 每月 $5,000免手續費  <18年10月1日開始>
～ DBS Black Visa卡 $6/里 (慢慢儲，勝在DBS$ 唔會過期，$0兌換手續費可以換到Krisflyer、Avios、Asia Miles、鳳凰知音)
或
～ DBS Eminent卡  或 大新 One+ Master卡  1%現金回贈

或

～ 大新 英航 Visa卡$6/Avios（慢慢儲，每月Avios戶口有數入，唔怕里數會到期）
或
～ 信銀國際 Motion Master卡 2%現金回贈 (只限新客戶2018年開)
每月玩WeChat Pay零成本可以賺到  $100 或 $50 或 833里

支付寶HK 收款 每月 $5,000免手續費 
~ 大新英航Visa卡$6/Avios
或
~ DBS Black Visa卡 $6/里
或
~ 信銀國際Motion Master卡 2%現金回贈 (只限新客戶2018年開)
每月玩Alipay HK零成本可以賺到 833里 或 $100

O! ePay 每人雖可持有3張個人八達通自動增值， 但每月「由已登記八達通的轉賬限額」最多都係得$10,000，每月20天用一張八達通自動增值$500已經玩爆。
精選3張信用卡玩八達通自動增值 :

～ 信銀國際 Motion Master卡 2%現金回贈 (至18年11月30日)

～ 安信 EARNMORE銀聯卡 2%現金回贈 (至18年12月31日)
～ ICBC宇宙星座 Visa Signature or 鑽石銀聯卡1.5%現金回贈

哇哇！真係賺少左好多！計一計數先，一張八仔每日增值$500，每月增值20天，一個月增值$10,000(以2%現金回贈計)，每月可以賺到$200。  

《任何機會 網上交費、自動轉賬 都唔放過》

自動轉賬  (新客戶2018年開卡) 信銀國際Motion Master卡 2%現金回贈 or 安信Earnmore 銀聯卡2%現金回贈 or 東亞 Flyer World Master Card $5/AM

e-banking網上交費 (包括學費、保險) ICBC宇宙星座 Visa Signature or 鑽石銀聯卡1.5%現金回贈

*

本地食肆 匯豐VS卡「賞滋味」$2.78/里 或 3.6%現金回贈

網購 信銀國際Motion卡 5%現金回贈

海外旅遊簽賬/海外注冊網站網購(台幣) 富邦白金 / Titanium卡 $0.75/里 或 9.09%回贈

海外旅遊簽賬/海外注冊網站網購(其他外幣) 匯豐VS卡「賞世界」$1.78/里 或 5.6%現金回贈

其他簽賬賺里數 (其他信用卡冇推廣) 東亞 Flyer 卡 $5/里

其他簽賬賺現金回贈 (其他信用卡冇推廣)  信銀國際Motion卡(新客戶2018年開卡)  或 安信Earnmore銀聯卡 2%現金回贈

【東亞 Flyer World Master Card】自動轉賬賺里數 都仍然係全港最多，有$1=1.6積分 ($5/里數) 。八達通自動增值唔會用Flyer喇，依家得 $8/里，仲要限每月$10,000。想賺多d里數 就要轉用【渣打亞洲萬理通World Master卡】做八達通自動增值$6/里。喜歡儲 Avios可以用【大新英航白金Visa卡】做八達通自動增值賺

2018年做八達通自動增值都可以賺到2%現金回贈，包括【信銀國際Motion Master卡】及 【安信EARNMORE鑽石銀聯卡】。

【東亞 Flyer World Master Card】年薪要求同渣打AM卡、DBS Black卡一樣 24萬，相比之下東亞Flyer卡批卡係最嚴，DBS Black卡係好易批卡，唔介意申請多張卡嘅就三張都申請埋啦！

【渣打亞洲萬理通World Master卡】同BEA Flyer卡夾住一齊用就至啱喇！食肆、網購、海外簽賬比BEA Flyer 仲賺多少少HK$4/里。當其他信用卡冇推廣嘅時間，用東亞Flyer卡碌都可賺$5/里。

如BEA Flyer / 渣打Asia Miles Master Card 最終申請唔到，退而求其次推介【DBS Black Visa卡】，呢張卡賺取嘅里數比BEA Flyer Master Card 少D，本地簽賬/自動轉賬 HK$6 = 1里 / HK$125  = DBS$1。用e-banking交咩野網上繳費賬單都冇分。八達通自動增值及分期簽賬只有 HK$12 = 1里 / HK$250 = DBS$1 。海外簽賬 (必須外幣結賬)  HK$4 = 1里  /  HK$84  = DBS$1 拍得住渣打AM卡。必須要注意用DBS Black卡網購響非香港註冊商戶嘅港幣交易係冇分！如果你響海外簽賬港幣交易SORRY都係無分!如果你唔確保要網購嘅註冊商戶係香港，用DBS Black 卡網購就有風險1分都賺唔到喇！


DBS Black卡有一個「正到爆」嘅優勢，就係暫時玩電子錢包三寶（WeChat Pay HK、PayMe、AlipayHK) 都有$6/里。依家DBS$可以換到Asia Miles、Avios、Krisflyer、鳳凰知音，仲係$0兌換手續費添！

【匯豐Visa Signature信用卡】

必袋卡組合匯豐信用卡一定走唔甩, 我精叻豬會用匯豐VS做食飯卡，「最紅自主獎賞」揀左「賞滋味」，本地食肆簽賬可獲額外5倍獎賞錢（合共6X），可以做到HK$4.17 / 里數或2.4%回贈 （$1「獎賞錢」=10里數「亞洲萬里通」）。如果係Visa Signature可再額外獲3倍分（合計9X），做到HK$2.78 / 里數或3.6%回贈。如果你係拎住VS做食飯卡就賺得最多喇！

*

【富邦白金 / Titanium信用咭】獎賞積分延續至2019年2月28日
呢張卡絕對值得擁有作本地特別時段/金額、海外簽賬消費使用，賺取積分里數話咁易。於星期六、日滿HK$300之本地簽賬可以賺取2倍積分HK $1 = 2積分 /HK $7.5 = 15積分 (1里數)。

加埋消費滿HK$600嘅「簽賬必有賞」，每月最多可以參加6次抽獎，只要你有資格抽
最少保證可享額外2,000積分 X 6 =12,000積分(800里)。計返即係每月星期六、曰有6次單一簽賬HK$600，最少可以賺到HK$2.81/里 或 2.42%回贈。

去旅行/海外網上購物用富邦都有得賺:

台灣簽賬可享 20倍積分HK$1 = 20積分 / HK$0.75 = 15積分 (1里數) 或 9.09%回贈。

日本/韓國簽賬可享8倍積分HK$1 = 8積分/ HK$1.875 = 15積分 (1里數) 或 3.63%回贈。
海外簽賬可享4倍積分HK$1 = 4積分 / HK$3.75 = 15積分 (1里數) 或 1.81%回贈。

比較返用【匯豐信用卡】做旅遊卡，「最紅自主獎賞」揀左「賞世界」，計埋2018年全年做緊嘅「最紅網上及海外簽賬獎賞」(每一階段必須要簽夠HK$3,000) 才有額外5X「獎賞錢」。

海外旅遊簽賬可以做到11X「獎賞錢」 (HK$2.27 / 里數或4.4%回贈)。如果係Visa Signature可以做到14X「獎賞錢」(HK$1.78 / 里數或5.6%回贈)。

邊張好D就要睇返你去邊個國家旅遊消費同埋你會簽幾多金額，注意返可獲額外積分嘅上限 ! HSBC信用卡「最紅自主獎賞」可獲額外5倍獎賞錢係計今年首HK$100,000簽賬。HSBC信用卡「最紅網上及海外簽賬獎賞」每一階段簽賬HK$15,000就賺盡喇！

用HSBC信用卡網購 (海外注冊網站) 都計海外簽賬，如「最紅自主獎賞」揀左5X「賞世界」都有額外5X嫁！

*

跟著一定要擁有嘅係【建行eye卡】，最啱用嚟「大額」網購、網上訂機票/酒店/旅遊野、同用 Visa payWave  或 Apply Pay 找數。

用eye卡網購(港幣)、Apple Pay 及 Visa payWave 可享5X積分獎賞(2%回贈 / $3＝1里)。暫時PayMe有5X積分獎賞，當網上簽賬。

登記左「賞即飛天地」係所有本地旅遊 (包括於旅行社及航空公司) 之簽賬 及 海外簽賬(非港幣) 可享3X積分獎賞 (1.2%回贈 / $5＝1里)  ； 網上訂酒店、機票，網上海外簽賬(非港幣) 都可享7X積分獎賞(2.8%回贈 / $2.14＝1里)！

如果幸運成為特選客戶可以參加建行一年推出2-3次嘅939獎賞計劃，3重優惠獎賞加埋可享高達12.8X積分獎賞 / 5.12%現金回贈 / 低至HK$1.17簽賬換領1里！

*

2018年新客戶出嘅【信銀國際Motion Master卡】網購可賺5%現金回贈，每月需要累積HK$3000「認可簽賬」，當中嘅網購可享額外3%現金回贈，計埋0.55%基本+1.45%額外現金回贈合共可享5%現金回贈。每月額外3%之上限為HK$100，即每月網購HK$3,334已拎盡回贈。暫時WeChat Pay、AlipayHK有2%現金回贈 !

「認可簽賬」除左簽賬仲包括(經自動櫃員機/網上銀行)繳費、八達通自動增值，每月唔會唔達標啦！

喜歡賺現金回贈，唔洗諗係冇推廣嘅情況下一定係用【信銀國際Motion Master卡】(2%回贈至開卡12個月內) 或 【安信EARNMORE鑽石銀聯卡】(2%回贈至18年12月31日) 賺「無上限2%現金回贈」。八達通自動增值都有2%現金回贈。 信銀國際八達通自動增值2%現金回贈 (至18年11月30日)。

匯豐Reward+ app，係有匯豐推廣嘅情況抵下，喜歡賺現金回贈嘅朋友都可以用「獎賞錢」找卡數，又多個賺現金回贈嘅選擇！

其他現金回贈信用卡 (如: DBS Eminent Card、Citi Cash Back Visa卡、大新One+ Master卡)雖冇回贈上限，但本地簽賬回得1% - 1.5%就真係企埋一邊啦！

*

【中銀i-card】2018年用嚟網購繼續有10X 積分 (4%回贈 或 HK$1.5＝1里) 都好唔錯，但係一個月簽HK$1,111已拎盡可賺取嘅額外10,000簽賬積分上限。

另外透過 Master Card 感應式支付、Apple Pay、Android Pay、 Samsung Pay、WeChat Pay 流動支付進行的零售簽賬交易都有10X 積分 (4%回贈 或 HK$1.5＝1里) ，每月簽HK$1,111已拎盡可賺取嘅額外10,000簽賬積分上限。

2018年i-card可獲10X積分獎賞的指定簽賬類別詳情: http://www.boci.com.hk/pdf/chi/card/icard_10x.TnC.pdf

精叻「網購」策略：先用信銀motion卡網購，如消費多過HK$3,334，同月之網購就要改用中銀i-card，當用i-card滿$1,111，最後就改用建行Eye卡！

網購當然要注意返信銀、中銀Master卡有外幣交易手續費1.95%，扣減之後Motion卡都可賺3.05%、i-card可賺2.05%。

如果你網購果個網站係海外注冊、又用港幣結算交易，銀行會收取跨境港幣交易手續費0.95%(i-card) / 1% (motion卡)，同埋即時兌換率會比用外幣結算高。如果你知道果個係海外註冊網站（e.g. Hotels.com) ，總之千萬不要揀港幣結算，返單條數係會多左。


【匯豐信用卡】網購係2018年「最紅網上及海外簽賬獎賞」都可賺額外5X，同一階段簽夠HK$3,000最少賺6X「獎賞錢」(HK$4.16 / 里數或2.4%回贈)。去海外注冊網站shopping 都計海外簽賬，如「最紅自主獎賞」揀左5X「賞世界」就最少賺11X「獎賞錢」(HK$2.27 / 里數或4.4%回贈)。用【匯豐Visa Signature信用卡】仲可以做到14X「獎賞錢」(HK$1.78 / 里數或5.6%回贈) 比中信motion卡網購5%仲勁！

*

當好多間銀行都cut曬網上繳交保險費冇得儲分，i-card、HSBC 白金信用卡或以上、建行信用卡都係仲有1X積分 (250分＝$1回贈)！今年新加入嘅 【ICBC宇宙星座 Visa Signature 及 銀聯雙幣鑽石卡】 最勁有1.5%現金回贈。信銀國際信用卡都有0.55%現金回贈。


注意: 
依家用匯豐網上繳費的只有每月月結單周期之首HK$10,000之合資格網上繳交費用才可獲享「獎賞錢」。而且，於網上繳費，為償還保險公司保單貸款的賑單類別將不再獲享「獎賞錢」！

依家用信銀國際信用卡經自動櫃員機/網上銀行繳交水電煤學費保險費（除了交稅）只有每月每張信用卡繳交的首HK$10,000才有0.55%現金回贈，交費多過$10,000就冇回贈喇。交費回贈上限係以每張卡計算。如你擁有3張信用卡，bill payment $30,000都可以賺到回贈！

總結: 要賺盡奬賞一定唔懶得，仲要靈活運用咩時候碌咩卡。

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

精叻豬量化左每月每年消費可賺幾多里數，希望你睇清楚唔好用死一張信用卡不停碌碌碌，中左消委會之前提及嘅【亞洲萬里通簽賬換里數差異大 同一機票差額八倍】。

【例子 : 賺里數篇】袋4張信用卡，每月消費$14,000可賺4,172里，每年輕鬆共賺50,066里。當然唔止賺咁少啦！仲未計各大銀行推出嘅推廣、電子錢包P2P等等...

如你用一張匯豐白金信用卡走天涯，冇登記「最紅自主獎賞」及「最紅網上及海外簽賬獎賞」，碌$25賺1里。以相同消費額計，每月可賺560里，每年共賺6,720里。哇! 比用精叻碌賺少7.45倍呀！

咁如果賺現金回贈呢？

【例子 : 賺現金回贈篇】都係袋4張信用卡，每月消費$14,000可獲$413回贈，每年共獲$4,956回贈。回報率都唔錯呀! 

C A S H  I S  K I N G 

同樣如你用一張匯豐白金信用卡走天涯，冇登記「最紅自主獎賞」及「最紅網上及海外簽賬獎賞」，碌$25回$1。以相同消費額計，每月獲$56回贈，每年獲$672回贈。哇！足足比精叻碌賺少7.375倍呀！

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 續個睇最佳組合信用卡點玩法 ，冇卡嘅朋友可以考慮申請跟著碌!! >>>>

【信銀國際 VISA白金卡 / Motion卡「無上限2%現金回贈」】比 安信EARNMORE銀聯卡仲正！ Visa白金一年勁賺$2,600，Motion Master卡一年勁賺$3,800

http://creditbosshk.blogspot.hk/2018/01/cncb-cards.html

【安信EARNMORE銀聯卡 零成本賺$800】

http://creditbosshk.blogspot.hk/2018/01/earmore.html 

ICBC出左超正新卡【宇宙星座 VS卡 + 銀聯雙幣鑽石卡】 繳費都有1.5%現金回贈
http://creditbosshk.blogspot.com/2018/03/ICBC-horoscope.html

【2018年 富邦白金、Titanium信用卡 台/日韓20X/8X奬賞不變】 
http://creditbosshk.blogspot.hk/2017/02/Fubon17.html

【難得繼續有迎新嘅「建行eye卡」碌$8千賺$650回贈 】 *
http://creditbosshk.blogspot.com/2017/08/ccb-eye.html

【渣打亞洲萬理通World Master卡超正迎新 簽$7,500賺17,000里 / 簽$170,000賺102,000里 】同時申請銀聯雙幣白金卡賺多1,000里  *

http://creditbosshk.blogspot.hk/2017/07/SCasiamiles.html

【大新英航白金卡迎新碌$6千賺5,000 Avios / $1萬賺7,666 Avios 】

http://creditbosshk.blogspot.hk/2018/03/Dahsing-BA.html 

【DBS Black卡迎新優惠: 新客戶12X DBS$($1/里) / 現有客戶4X DBS$($3/里)】迎新簽賬啱曬有本地及海外消費嘅朋友 ! http://creditbosshk.blogspot.hk/2017/09/DBSblack-new.html *

【東亞Flyer World 萬事達卡迎新簽$9,000賺6,000里】網上申請再賺額外3,000里，合共9,000里！*
http://creditbosshk.blogspot.hk/2017/10/beaflyer.html

【匯豐全新及現有信用卡客戶齊齊賺迎新】  http://creditbosshk.blogspot.hk/2018/01/HSBC-new.html *

【匯豐「最紅網上及海外簽賬獎賞」達14X/5.6%/$1.78里】
http://creditbosshk.blogspot.hk/2018/01/HSBC-red-hot.html 

想知道更多精叻碌卡秘技，請於本 Facebook 專頁「Creditbosshk 信用卡情報網」 【讚好】及選取【接收通知】，咁「Creditbosshk 信用卡情報網」嘅新文章就可以第一時間顯示響你嘅 Facebook動態消息首頁。