【2018年 富邦白金、Titanium信用卡 台/日韓20X/8X奬賞不變】

好彩今年至19年2月28日仍然有海外簽賬奬賞：台灣20X、日本/韓國8X、海外4X。

台灣簽賬(必須以新台幣結算)可享20倍積分

HK$1 = 20積分 / HK$0.75 = 15積分 (1里數) 或 9.09%回贈

去台灣點碌至抵玩?

無論訂酒店、網站訂手信，只要以台幣過數就可以獲得20X積分。

~ 要拎盡積分可以在出發前一個月上網訂酒店簽一輪，記得揀用台幣付款，上限HK$5000 ,  就可以有20倍積分。

~ 去台灣旅行果陣又簽一輪。咁就可以有HK$10,000 上限嘅20倍積分。

（HK$5,000上限是由每月1號至月尾計算，即係話你7月30日用台幣book酒店，8月2日飛到過去碌台幣就可以有第二個HK$5,000上限俾你賺20倍積分haha....）

20倍積分: 包括海外簽賬4倍及額外16倍，每月上限之16倍額外積分為80,000積分(即HK$5000)及每年最高為160,000積分（即HK$10,000)。而所獲贈之額外積分將於有關簽賬完成當月後兩個月內存入主卡客戶之信用卡戶口。

*

日本/韓國簽賬(必須以日圓或韓圓結算)可享8倍積分

HK$1 = 8積分/ HK$1.875 = 15積分 (1里數) 或 3.63%回贈

8倍積分: 包括海外簽賬計劃獲贈4倍積分+8倍積分計劃下獲贈額外4倍積分。每月所獲贈之額外4倍積分最高為80,000積分，即係簽HK$20,000就到頂。而所獲贈之額外積分將於有關簽賬完成當月後兩個月內存入主卡客戶之信用卡戶口。

提提你: 必須致電客戶服務熱線 2566 8181登記，方可獲贈額外4倍積分。每張信用卡於推廣期內只可登記2次。如果你嘅旅遊消費日子係橫跨2個月，咁就要於消費當月登記2次喇。因為生效日期係由登記果個月份嘅1號至當月月尾，海外消費返來才登記都得，但一定要係消費個果月登記。

*

海外簽賬(必須以非港幣結算)可享4倍積分

HK$1 = 4積分 / HK$3.75 = 15積分 (1里數) 或 1.81%回贈

於海外簽賬，富邦Visa / Master信用咭會收取手續費1.85%。以220積分等於HK$1計算，扣取海外簽賬手續費後: 台灣簽賬可享7.24%現金回贈。日本/韓國簽賬可享1.78%現金回贈。海外簽賬冇得賺。

富邦白金卡或Titanium卡客戶於每月月結單所獲贈之積分最高可達其信用額之3倍(20倍積分計劃所獲贈之額外16倍積分及8倍積分計劃所獲贈之額外4倍積分除外)，不適用於臨時加額。

「海外簽賬分倍增」 及 「簽賬必有賞」 詳情: 
http://www.fubonbank.com.hk/web/html/cc_mp00a_c.html 

*

仲有係本地簽賬特別時段及金額可享2X簽賬

於星期六、日滿HK$300之本地簽賬可以賺取2倍積分

HK $1 = 2積分 / HK $7.5 = 15積分 (1里數) 或 0.9%回贈。

其他本地簽賬或八達通自動增值服務可享1X簽賬

HK $1 = 1積分 / HK $15 = 15積分 (1里數) 或 0.45%回贈。

*

「簽賬必有賞」 每月贏取高達180,000額外積分

本地/海外簽賬滿HK$600或以上，及致電登記熱線 2566 8181 進行抽獎，保證有機會贏取額外2,000 或 3,000 或 30,000積分。每張信用卡於每月最多可獲6次抽獎機會，即是每月最少保證有額外2,000積分X 6 =12,000積分(相等於800里)。計返即係每月星期六、曰有6次單一簽賬HK$600，最少可以賺到HK$2.81/里 或 2.42%回贈。

登記詳情: http://www.fubonbank.com.hk/web/html/cc_ovisald01_c.html

「合資格簽賬」: 客戶須於優惠期內以同一富邦信用卡所作之單一本地或海外簽賬滿HK$600。所有合資格簽賬將以正式獲有效授權號碼之當日日期計算，其他外幣簽賬則以本行誌賬之港幣折算額計算。

其他簽賬包括但不限於現金透支、繳稅、網上繳款及購物、結欠轉賬、分期付款、手續費、財務費用、年費、自動轉賬、八達通自動增值賬項、賭場交易及任何沒有簽賬存根之交易均不適用於本計劃。所有未誌賬、已取消或退款之交易，亦不會被計算為有效之合資格簽賬。


想知道更多精叻碌卡秘技，請於本 Facebook 專頁「Creditbosshk 信用卡情報網」 【讚好】及選取【接收通知】，咁「Creditbosshk 信用卡情報網」嘅新文章就可以第一時間顯示響你嘅 Facebook動態消息首頁。