【2016秋冬外遊平DD】

無論今個秋冬你係追楓、追雪之旅，shopping一定唔少得，就等我精叻豬一次過數曬你知近期有咩信用卡海外旅遊簽賬推廣，扣除海外簽賬手續費之後仲可以賺到幾多%簽賬額。儲開里數嘅當然揀張賺到最多里數嘅信用卡嚟碌，好快又可以儲夠里數預備下一次旅行喇！

精叻一提：海外簽賬必須以外幣 (非港幣) 交易，千萬不可以港幣付款「即時外幣兌換」(DynamicCurrency Conversion) 方式簽賬。碌卡前一定一定要remind職員以當地貨幣結算，否則不作海外簽賬，當然拎唔到海外簽賬推廣啦！

想知道更多精叻碌卡秘技，請於本 Facebook 專頁「Creditbosshk信用卡情報網」 【讚好】及選取【接收通知】，咁「Creditbosshk信用卡情報網」嘅新文章就可以第一時間顯示響你嘅 Facebook動態消息首頁。

1) 匯豐「最紅旅遊海外簽賬」(要登記)

http://creditbosshk.blogspot.hk/2016/05/HSBC-travel.html

由 2016年10月1日至12月31日，憑匯豐Visa Signature/白金Visa信用卡於海外簽賬可享額外10X「獎賞錢」。其他合資格信用卡則可享額外5X「獎賞錢」。

推廣期可獲享嘅合資格海外簽賬額外10X「獎賞錢」上限係：$400「獎賞錢」，其他合資格信用卡額外5X「獎賞錢」上限係：$200「獎賞錢」。即每階段簽賬HK$10,000就賺盡回贈上限。海外簽賬Visa / Master信用卡會收取手續費1.95%，銀聯雙幣信用卡手續費為1%。

如你嘅匯豐信用卡「最紅自主獎賞」額外5X「獎賞錢」分配於「賞世界」或「賞中華」類別，於推廣期內的合資格海外簽賬分別係：

Visa Signature 信用卡 19X「獎賞錢」(7.6%獎賞回贈，$1.31/里)，正！

白金Visa 信用卡16X「獎賞錢」(6.4%獎賞回贈，$1.56/里)

其他合資格信用卡11X「獎賞錢」(4.4%獎賞回贈，$2.27/里)

如你嘅匯豐信用卡「最紅自主獎賞」並不是分配於「賞世界」或「賞中華」類別，於推廣期內的合資格海外簽賬分別係：

Visa Signature 信用卡 14X「獎賞錢」(5.6%獎賞回贈，$1.79/里)

白金Visa 信用卡11X「獎賞錢」(4.4%獎賞回贈，$2.27/里)

其他合資格信用卡6X「獎賞錢」(2.4%獎賞回贈，$4.16/里)

2) 美國運通國泰航空尊尚信用卡「海外簽賬額外送里數」(毋須登記) http://creditbosshk.blogspot.hk/2016/09/CXAE-ForeignSpend.html

由2016年9月22日至11月30日，以AE CX尊尚卡進行單一外幣簽賬滿 HK$2,500 或以上，可賺取額外 250「亞洲萬里通」里數獎賞。每個合資格信 用卡賬戶可於推廣期內最高可賺取 1,000「亞洲萬里通」里數獎賞，即4次外幣簽賬滿 HK$2,500就賺盡獎賞喇！

尊尚卡原本海外簽賬$6=1.5里 ($4=1里)，加埋呢個推廣可賺高達$2.85/里。海外簽賬信用卡手續費2%。

3) 富邦白金信用卡 / Titanium信用卡

「台灣簽賬20X積分」(毋須登記)

台灣簽賬： HK $1 = 20積分 / $0.75 = 15 積分 (1里數)

由現在至2017年2月28日憑富邦白金信用卡或Titanium信用卡於台灣簽賬 (必須以台幣結算) 消費可獲贈20倍積分 (包括海外簽賬4倍及額外16倍)。每月上限之16倍額外積分為80,000積分 (即HK$5000) 及每年最高為160,000積分 (即HK$10,000)。

HK$5,000上限是由每月1號至月尾計算，即係話你10月30日於網上用台幣book酒店，11月2日飛到過去碌台幣就可以有第二個HK$5,000上限俾你賺20倍積分。

於海外簽賬，富邦Visa / Master信用卡會收取手續費1.85%。以200積分等於HK$1計算，扣取海外簽賬手續費後仍可享8.15%現金回贈。

「日本/韓國簽賬8X積分獎賞」(要登記)

日本/韓國簽賬：HK$1 = 8積分 / $1.875 = 15積分 (1里數)

由現在至2017年2月28日憑富邦白金信用卡或Titanium信用卡於日本/韓國簽賬 (必須以日圓或韓圓結算) 消費可獲贈8倍獎賞積分 (包括海外簽賬計劃獲贈4倍積分+8倍積分計劃下獲贈額外4倍積分)。每月所獲贈之額外4倍積分最高為80,000積分，即係簽HK$20,000就到頂。

每張信用卡於推廣期內只可登記2次 (由2016年3月1日至2017年2月28日)。如果你嘅旅遊消費日子係橫跨2個月，咁就要於消費當月登記2次喇。因為生效日期係由登記果個月份嘅1號至當月月尾，海外消費返來才登記都得，但一定要係消費個果月登記。

於海外簽賬，富邦Visa / Master信用卡會收取手續費1.85%。以200積分等於HK$1計算，扣取海外簽賬手續費後仍可享2.15%現金回贈。

「其他地方海外簽賬4X積分」(毋須登記)

其他地方海外簽賬：HK$1 = 4積分 / $3.75 = 15積分 (1里數)

每月所獲贈之4倍積分最高為信用額的3倍。如你的信用額為HK$50,000，每月積分上限為15萬分 (即HK$37,500)。

於海外簽賬，富邦Visa / Master信用卡會收取手續費1.85%。以200積分等於HK$1計算，扣取海外簽賬手續費後仍可享0.15%現金回贈。

「簽賬必有賞」(要登記)

每次簽賬滿HK$600或以上仲可以登記參加抽獎，保證有機會贏取額外2,000 或 3,000 或 30,000積分。每張信用卡於每月最多可獲6次抽獎機會，即是每月最少保證有額外2,000積分X 6 =12,000積分(相等於800里)。

4) 交通銀行銀聯雙幣鑽石信用卡   (毋須登記)

http://creditbosshk.blogspot.hk/2016/09/bankcomm-travel.html

簽賬HK$/CNY 6 = 12 積分 = 1 里數

銀聯鑽石卡海外簽賬達HK$300 或以上，或國內「餐飲」及「酒店」商戶類別之簽賬金額達CNY300 或以上， 可享2 倍積分，即0.8%回贈。海外簽賬銀聯信用卡手續費0%

5) DBS Eminent Card    (毋須登記)

由現在至12月31曰，當月累積簽賬滿HK$5,000可享海外簽賬6%現金回贈，每曆月可獲贈之現金回贈上限為HK$300，即海外簽賬HK$5,000就拎盡上限。計埋基本現金回贈0.4%，可賺高達6.4%。海外簽賬信用卡手續費1.95%

6) 恒生信用卡 「海外簽賬3X/5X/6X Cash Dollars + 海外簽賬期間限定優惠」(要登記)

http://creditbosshk.blogspot.hk/2016/10/HangSeng-Travel.html

由2016年10月1日至12月31曰，恒生信用卡 作海外簽賬可享3X Cash Dollars及達到指定金額可享額外Cash Dollars。

當月海外簽賬滿HK$6,000至$11,999，有額外$300 Cash Dollars；當月海外簽賬滿HK$12,000或以上，有額外$600 Cash Dollars。

每個月最多可賺額外$600 Cash Dollars，整個優惠期上限係$1,800 Cash Dollars。合共可賺高達6.2%現金回贈，Visa/Master卡扣返1.95%外幣交易手續費，都有4.25%現金回贈。銀聯卡扣返1.2%外幣交易手續費，都有5%現金回贈。

恒生優越理財World Master卡 海外簽賬可享5X Cash Dollars，計埋「海外簽賬期間限定優惠」合共可賺高達7%現金回贈，扣返1.95%外幣交易手續費，都有5.05%現金回贈。

恒生Visa Infinite卡海外簽賬可享6X Cash Dollars，計埋「海外簽賬期間限定優惠」合共可賺高達7.4%現金回贈，扣返1.95%外幣交易手續費，都有5.45%現金回贈。

7)  ICBC白金卡 / Xplore Visa Signature卡 「海外簽賬3倍獎賞」(毋須登記)

由現在至2016年12月31日，於海外簽賬即可賺取3倍簽賬獎賞，中國內地不計海外簽賬。 

如你揀左「現金回贈」3倍簽賬獎賞，即係由原本0.5%現金回贈，海外簽賬就可以賺取1.5%現金回贈。用銀聯卡就可以淨賺1.5%現金回贈。

如你揀左「積分獎賞」3倍簽賬獎賞，即係由原本0.4%簽賬回贈 (以250積分等於HK$1計算)，海外簽賬可以賺取1.2%簽賬回贈，好明顯係揀直接回贈現金抵D。

海外簽賬Visa / Master信用卡手續費1.90%，海外簽賬銀聯信用卡手續費0%。

8)  渣打銀聯雙幣白金信用卡 「海外簽賬2X積分」(毋須登記)

由現在至2016年12月31日，於海外簽賬便可賺取2X「360°全面賞」積分。

以250積分等於HK$1計算，海外簽賬銀聯信用卡手續費0%，可以賺0.8%現金回贈。

9) 建行 (亞洲) EYE卡   (必需登記「賞即飛天地」)

用登記左「賞即飛天地」嘅EYE卡係所有本地旅遊 (包括於旅行社及航空公司) 之簽賬 及 海外簽賬可享3X積分獎賞。網上訂酒店、機票及網上海外簽賬都可享7X積分獎賞。「賞即飛天地」每年可獲積分獎賞之簽賬額為HK$50,000，即可額外賺多100,000積分。

海外簽賬 3X : 1.2%回贈 / $5＝1里
網上 旅遊/海外簽賬 7X : 2.8%回贈 / $2.14＝1里

每年建行差唔多時候都會推出「939獎賞計劃」，要抵消1.95%海外簽賬手續費兼賺突，一定要夾住939一齊玩，等下喇！

拎盡以上推廣的海外簽賬優惠，可以用返一路都做緊賺到相對高里數嘅信用卡！

海外簽賬$4/里 (海外簽賬信用卡手續費1.95%)
Citi Prestige信用卡 / Citi PremierMiles信用卡
DBS Black Card
渣打亞洲萬里通萬事達卡
大新英國航空白金卡

海外簽賬$5/里  (海外簽賬信用卡手續費1.95%)
東亞Flyer World萬事達卡
大新聯合航空萬事達白金卡