【精叻訂酒店小貼士】

精叻豬有個小tips俾喜歡「自己book酒店」嘅朋友，其實訂酒店唔一定去book到最平心儀酒店嘅網站，一個長途trip隨時換幾間酒店，好易book到亂鬼曬!  精叻豬就喜歡用同一個網站book，book得多隨時仲可以賺到免費酒店1晚。咁你會用一個合適嘅酒店website（book同一間酒店有機會貴d）、定係你會用唔同嘅website目標係訂到最平價格嘅同一間酒店呢？

精叻豬會揀前者，但同時可以claim返貴左嘅差價，一樣可以儲里數、儲住10晚送1晚優惠！

登...登...登...登...

精叻豬會用Hotels.com 嘅「最優惠價格保證」claim返book 酒店貴左嘅差價，想知點樣可以claim到呢？

1）首先要搵到同一間酒店（包括相同入住日期、房間類別、booking condition、房間總價格嘅幣值 ) 係另一個網站平d，之後print screen 平d嘅網站（必須顯示以上所有資料）。

精叻豬仲試過係hotels.com一早訂左酒店，之後hotels.com 推出Secret Price，訂左果間酒店比之前平左幾嚿水，申請「最優惠價格保證」都可以claim返貴左嘅差價， yeah!

2) 到Hotels.com click 入「最優惠價格保證」填表及提交。

3）你會收到一個Case ID : M-no. (by email) ，之後打上hotels.com CS (tel: 3077 4854)都係用呢個M-no. 嚟溝通。

4）稍後hotels.com會寄出email  話批核你嘅申請。
A) 如果房錢係由hotels.com 收取，基本上hotels.com 會於15日內退回差額到你book酒店用嘅信用卡。

B) 如果房錢係由酒店收取，你必須於入住酒店後72小時內打電話俾hotels.com CS, 以便安排退款事宜。

數日後，hotels.com 會再次出email批核你嘅退款申請，並確認會於7-15個工作天退回差額到你book酒店用嘅信用卡。

5）過一段日子double check 信用卡帳單有冇收到退款，完成!

你可以繼續透過Asia miles指定Hotels.com專頁預訂酒店 ，可賺每10港元 (或其相等幣值，不包括稅費及手續費)、用discount code、儲住十送一優惠......
雖然係麻煩少少，又要拎盡優惠又要訂最平，係要做d手腳！

最後，當然睇實「Creditbosshk信用卡情報網」用啱信用卡book酒店 賺里數、賺積分、賺現金回贈!!

想知道更多精叻碌卡秘技，請於本 Facebook 專頁「Creditbosshk信用卡情報網」 【讚好】及選取【接收通知】，咁「Creditbosshk信用卡情報網」嘅新文章就可以第一時間顯示響你嘅 Facebook動態消息首頁。